Annapurna Maa Chalisa / श्री अन्नपूर्णा माँ चालीसा

Shri Annapurna Maa Chalisa
श्री अन्नपूर्णा माँ चालीसा


।। दोहा ।।
विश्वेश्वर-पदपदम की रज-निज शीश-लगाय ।
अन्नपूर्णे ! तव सुयश बरनौं कवि-मतिलाय ।।

।। चौपाई ।।
नित्य अनंद करिणी माता, वर-अरु अभय भाव प्रख्याता ।

जय ! सौंदर्य सिंधु जग-जननी, अखिल पाप हर भव-भय-हरनी ।

श्वेत बदन पर श्वेत बसन पुनि, संतन तुव पद सेवत ऋषिमुनि ।

काशी पुराधीश्वरी माता, माहेश्वरी सकल जग-त्राता ।

वृषभारूढ़ नाम रुद्राणी, विश्व विहारिणि जय ! कल्याणी ।

पदिदेवता सुतीत शिरोमनि, पदवी प्राप्त कीन्ह गिरि-नंदिनी ।

पति-विछोह दुख सहि नहि पावा, योग अग्नि तब बदन जरावा ।

देह तजत शिव-चरण सनेहू, राखेहु जाते हिमगिरी-गेहू ।

प्रकटी गिरिजा नाम धरायो, अति आनंद भवन मँह छायो ।

नारद ने तब तोहिं भरमायहु, ब्याह करन हित पाठ पढायहु ।

ब्रह्मा-वरुण-कुबेर-गनाये, देवराज आदिक कहि गाय ।

सब देवन को सुजस बखानी, मतिपलटन की मन मँह ठानी ।

अचल रहीं तुम प्रण पर धन्या, किन्ही सिद्ध हिमाचल कन्या ।

निज कौ तव नारद घबराये, तब प्रण-पूरण मन्त्र पढ़ाये ।

करन हेतु तप तोहिं उपदेशेउ, संत-बचन तुम सत्य परेखेहु ।

गगनगिरा सुनि टरी न टारे, ब्रह्मा, तब तुव पास पधारे ।

कहेउ पुत्रि वर माँगु अनूपा, देहुँ आज तुव मति अनुरूपा ।

तुम तप कीन्ह अलौकिक भारी, कष्ट उठायेहु अति सुकुमारी ।

अब संदेह छाँड़ि कछु मोसों, है सौगंध नहीं छल तोसों ।

करत वेद विद ब्रह्मा जानहु, वचन मोर यह सांचो मानहु ।

तजि संकोच कहहु निज इच्छा, देहौं मैं मन मानी भिक्षा ।

सुनि ब्रह्मा की मधुरी बानी, मुखसों कछु मुसुकायि भवानी ।

बोली तुम का कहहु विधाता, तुम तो जगके स्रष्टाधाता ।

मन कामना गुप्त नहिं तोंसों, कहवावा चाहहु का मोसों ।

इज्ञ यज्ञ महँ मरती बारा, शंभुनाथ पुनि होहिं हमारा ।

सो अब मिलहिं मोहिं मनभाय, कहि तथास्तु विधि धाम सिधाये ।

तब गिरिजा शंकर तव भयऊ, फल कामना संशय गयऊ ।

चन्द्रकोटि रवि कोटि प्रकाशा, तब आनन महँ करत निवासा ।

माला पुस्तक अंकुश सोहै, करमँह अपर पाश मन मोहे ।

अन्नपूर्णे ! सदपूर्णे, अज-अनवद्य अनंत अपूर्णे ।

कृपा सगरी क्षेमंकरी माँ, भव-विभूति आनंद भरी माँ ।

कमल बिलोचन विलसित बाले, देवि कालिके ! चण्डि कराले ।

तुम कैलास मांहि ह्वै गिरिजा, विलसी आनंदसाथ सिंधुजा ।

स्वर्ग-महलछमी कहलायी, मर्त्य-लोक लछमी पदपायी ।

और पढ़ें

Leave a Comment

error: Content is protected !!